Posedim i paligjshëm i armëve të zjarrit, arrestohet ish ylli i basketbollit në NBA
Ish-ylli i NBA-së, Raxhon Rondo, u arrestua në Indiana të dielën për posedim të paligjshëm të armëve të zjarrit, mjeteve të drogës dhe marihuanës. Është gazetari i njohur apo reporteri i famshëm i NBA-së, Adrian Vojnarovski, i cili ka dhënë lajmin mbi arrestimin e Rondos.
“Ai u ndalua për shkelje të trafikut dhe oficeri ndjeu erë marihuane, gjë që çoi në kontrollin e makinës në të cilën u gjet një armë, marihuanë për përdorim personal dhe mjete droge”, tha një zëdhënës i policisë.
Rondo u dërgua në burg, pas së cilës ai menjëherë kërkoi lirim me kusht dhe të gjitha akuzat ndaj tij janë kundërvajtje.
Në një karrierë të pasur në NBA që zgjati 16 vjet, Rondo luajti për Bostonin, Dallasin, Sakramenton, Çikagon, Nju Orlinsin, Los Anxheles Lejkersin, Atlanta-n, LA Klippers dhe Klivlendin, ku angazhimi i tij i fundit në NBA ishte në vitin 2022. Ai ishte dy herë kampion i NBA-së, mori pjesë katër herë në lojën “All-Star” dhe mori çmime të shumta individuale si asistuesi më i mirë, vjedhësi i topave, anëtar i pesëshes mbrojtëse dhe disa tjera.
