Prokuroria nis parahetim për zjarrin në Vizbeg të Shkupit

Prokuroria Themelore Publike ka lëshuar urdhra për të hetuar pasojat e zjarrit që ndodhi më 9 korrik në një deponi mbeturinash në Vizbeg.

Poashtu, ekspertë nga disa fusha janë të përfshirë në procedurën para-hetimore.

Prokuroria Publike njoftoi se po hetohen dyshime për vepër penale të mundshme dhe rrezikim të mjedisit me materiale mbeturinash.

Ata thonë se inspektorët nga Departamenti i Krimit Ekonomik janë në terren, dhe se është aktivizuar edhe një ekip nga Njësia e Mbrojtjes Atmosferike, Biologjike dhe Kimike e ARM-së, e cila mblodhi mostra dhe mati substancat toksike në ajër.