PSZH “fut në rreth” sulmuesin e Milanit, si zëvëndësim për Kilian Mbape-n

“Telefoot” raporton nga Franca, duke shpjeguar se si klubi parizien tashmë po mendon për merkaton e verës, kur me siguri do të duhet të merret me lamtumirën e Kilian Mbapes, kontrata e të cilit skadon në fund të sezonit.

Fenomeni portugez i Milanit, sipas mediave transalpine, është në krye të listës së dëshirave të drejtuesve francezë. Madje, edhe vetë Leao është në dijeni të interesimit të kampionëve francezë.

Pasi e ka “blinduar” me rinovimin e kontratës deri në vitin 2028, nënshkruar vetëm verën e kaluar, Milani analizon zhvillimet, në pritje të lëvizjeve të para nga francezët, të cilët nëse duan vërtet të synojnë Leaon do të duhet të vendosin shifra marramendëse në tavolinë.