PSZH me largimin e Kilian Mbapes, do të kursejë plot 200 mln euro!

Kilian Mbape të premten përmes një video mesazhi ka njoftuar publikisht se do të largohet nga PSZH. Ai nuk do ta vazhdoj kontratën me kampionin e Francës dhe do të luaj ndeshjen e fundit në ”Parc de Prince” të dielen ndaj Tulluzit, ku edhe do të përshendetet me tifozët parisien.

Edhe pse Mbappe do të largohet si futbollistë i lirë, PSZH do të kursejë plot 200 milionë euro nga largimi i 25 vjeçarit. Aty llogaritet zgjatja e kontratës një vjeçare që nuk është shkaktuar dhe gjithashtu bonusin e besnikërisë së këtij sezoni rreth 80 milion euro, që nuk do të paguhet.

Kilian Mbape pritet ta vazhdoj karrierën te skuadra e Real Madridit, ku zyrtarizimi i tij do të bëhet pas finales së Ligës së Kampionëve, më 1 qershor./IndeksOnline/