Ramadani i reagon Ilievskit: Askush s’mund ta ndalë këmbën e shqiptarit në Bërvenicë
Kandidati shqiptar për komunën e Brvenicës, Haqim Ramadani, ka reaguar pas një deklarate të pretenduar të kundërshtarit të tij, Jovica Ilievski, i cili sipas Ramadanit ka thënë se “këmbë e kryetarit shqiptar nuk do të shkelë më në komunën e Brvenicës”. Ramadani e ka quajtur këtë një gjuhë urrejtjeje dhe fyerje ndaj bashkëjetesës ndëretnike, duke theksuar se “Brvenica është komunë e çdo qytetari, jo pronë e një partie apo etnie.”
Reagimi i plotë:
Unë foli live dhe jo nëpër podrume si Jovica Ilievski
Para disa javësh mua Haqim Ramadani më akuzuan padrejtësisht për “nacionalizëm”.
Sot, e vërteta doli vetë në dritë: kandidati i palës maqedonase, Jovica Ilievski nëpër podrumet e veta ka deklaruar ne shtabe se – “Këmba e kryetarit shqiptar nuk do të shkelë më në komunën e Brvenicës.”
Kjo nuk është vetëm gjuhë urrejtjeje – është fyerje ndaj qytetarëve, ndaj dinjitetit njerëzor dhe ndaj bashkëjetesës që ne e kemi ndërtuar me mund ndër vite.
Ata që na akuzonin për nacionalizëm, sot heshtin përballë një deklarate që turpëron çdo njeri me mendje dhe zemër normale.
Ne nuk predikojmë përçarje – ne punojmë për barazi, zhvillim dhe respekt për të gjithë.
Brvenica është komunë e çdo qytetari, jo pronë e një partie apo një etnie.
Askush nuk mund të ndalë këmbën e shqiptarit, të maqedonasit apo të kujtdo që e do këtë vend dhe punon për të mirën e tij.
Ne do të vazhdojmë të dëshmojmë me vepra se politika e urrejtjes është e dështuar, ndërsa politika e bashkëpunimit është e ardhmja e Brvenicës dhe e gjithë Maqedonisë së Veriut.
