![Real Madridi “mbret” i përmbysjeve të rezultateve në La Liga dhe Evropë](https://shprehja.com/wp-content/uploads/2024/01/1706639363_Federico-Valverde-left-is-congratulated-after-scoring-his-sides-opening-goal-during-Spanish-La-Liga-scaled-850x560.jpg)
Real Madridi “mbret” i përmbysjeve të rezultateve në La Liga dhe Evropë
Reali i Madridit është mbreti i përmbysjeve në këtë sezon. Skuadra madrilene regjistron 10 përmbysje në këtë sezon mes Ligës spanjolle, Ligës së Kampioneve dhe Superkupës së Spanjës.
Përmbysja e fundit është konsumuar të shtunën në Las Palmas (1-2), që ishte dhe përmbysja e dytë radhazi, pas asaj mes polemikash kundër Almerias, një fundjavë më parë 3-2. Me suksesin 1-2 në Las Palmas, Reali i Madridit i ka çuar në gjashtë takimet e fituara me përmbysje në La Liga.
Përveç Las Palmasit dhe Almerías, skuadra e Ançelotit ka fituar me përmbysje edhe takimet ndaj Sosiedadit, Getafes dhe Barcelonës.
Përmbysjet e rezultatit kanë qenë edhe në Ligën e Kampionëve, ku skuadra e Reali fitoi të dyja ndeshjet kundër Napolit dhe një tjetër kundër Union Berlin, pasi u gjend fillimisht në disavantazh. Këtu shtohet dhe përmbysja kundër Atletikos, në derbin e Superkupës.