Real Madridi në “luftë” me PSZH-në për futbollistin e Lillë-s

Real Madridi ka bërë transferimin e Leni Joro-s si prioritet, duke shkuar drejtpërdrejt në luftë me Paris Sen Zhermenin. Ata mund të mos luajnë në të njëjtën ligë vendase, por rivaliteti mes të dyja palëve është intensifikuar shkaku i Kilian Mbapes.

Mbrojtësi 18-vjeçar është një reprezentues francez i të rinjve, i cili tashmë është vendosur si mbrojtësi i parë i Lille-s. Adoleshenti po zhvillohet në një lojtar të frikshëm dhe si Madridi ashtu edhe PSZH besojnë se ai mund të forcojë mbrojtjen e tyre në të ardhmen.

Parisienët janë të sigurt në aftësinë e tyre për të kaluar financiarisht Real Madridin, por “Los Blankos” janë të përgatitur të marrin një qasje më të llogaritur. Ata sugjerojnë heqjen dorë nga një tarifë transferimi tërësisht në favor të pagesës personalisht të Joros. Sidoqoftë, kjo do të thotë që nuk do të jetë në gjendje ta nënshkruajë atë, derisa kontrata e tij me Lille-n të skadojë në 2025.

Sipas “Marca”, gjigantët spanjollë kanë shkuar aq larg sa të përcaktojnë që Joro nuk mund të flasë me PSZH-në. Gjithashtu besohet se Lill-a e sheh Real Madridin si opsionin e parë për destinacionin e ardhshëm të Joro-s. Vetë i riu, i cili ka luajtur 32 ndeshje për klubin e tij francez këtë sezon, dëshiron të bashkohet me gjigantin spanjoll.