Reali pritet t’i ofrojë 100 milionë euro për Vitinhan

Real Madrid e ka vendosur mes objektivave kryesore mesfushorin portugez të PSG-së, Vitinha, të cilin e sheh si një pjesë kyçe për të forcuar mesfushën në sezonin e ardhshëm.

Klubi madrilen po përgatit një ofertë prej rreth 100 milionë eurosh për të bindur ekipin parisien që të pranojë shitjen, raporton “Fichajes”.

Që prej ardhjes së Xabi Alonsos në stol, Real Madridi ka identifikuar nevojën për një lojtar me kreativitet, kontroll dhe vizion në mesfushë – cilësi që Vitinha i zotëron plotësisht.

Operacioni duket se do të orientohet drejt verës së vitit 2026, kur kontrata e lojtarit me PSG-në mund të lejojë një dalje më të lehtë.