Regjistrimi i diasporës për zgjedhjet lokale në Kosovë
Më 23 korrik do të hapet mundësia e regjistrimit të votuesve jashtë Kosovës për zgjedhjet lokale, për kryetarë të komunave dhe për kuvende komunale. Zgjedhjet do të mbahen më 12 tetor 2025.
KQZ-ja njofton se regjistrimi i diasporës do të zgjasë 38 ditë, pra deri më 29 gusht 2025.
Të gjithë shtetasit e Kosovës që jetojnë jashtë vendit mund të aplikojnë për t’u regjistruar si votues jashtë Kosovës. Çdo aplikim për regjistrim duhet të jetë individual dhe mund të bëhet në dy mënyra: (1) përmes platformës elektronike të KQZ-së ose (2) përmes postës, duke e dërguar aplikacionin në kutinë postare të KQZ-së në Kosovë.
Po më shkon mendja këtu të komentoj procesin e kaluar të zgjedhjeve, numërimet dhe çnumërimet e pafundme, akuzat për vjedhje të votave, në veçanti nga diaspora, akuzat për keqpëdorimin e votave të diasporës etjerë etjerë.
Megjithatë, ju ftoj të regjistroheni dhe ta kryni obligimin tuaj qytetar e të votoni autoritetet lokale. E deri në zgjedhjet lokale, këta të Kuvendit ndoshta edhe mëshirohen dhe e krijojnë Kuvendin dhe fillojnë punën…
Deri tani në 50 seanca vetëm kanë shkuar nga pesë minuta dhe i kanë marrë rrogat. Punë nuk kanë kryer, por në nivelin lokal shpresojmë të jetë ndryshe.
Bahri Cani
