Reijnders: Fitore e rëndësishme përball një kundërshtari të vështirë

Tijjani Reijnders, mesfushori i Milanit, i shpallur MVP i ndeshjes kundër Veronës, ka dhënë një intervistë për DAZN, pas fitores 1-0 në “Bentegodi”, falë golit të tij.

“Ishte vërtet e rëndësishme, sepse luajtëm një ndeshje të vështirë. Duhet të kundërpërgjigjeshim pas barazimit me Genoa. Ishte mjaft e rëndësishme t’i merrnim tri pikët. Fofana e ka treguar tashmë disa herë këtë sezon, e di që i ka këto cilësi. Mua, thjesht më desh të finalizoja,” tha mes tjerash Reijnders.

Edhe Matteo Gabia foli për momentin delikat të Milanit, pas fitores ndaj Veronës.

“Nuk jemi të lumtur, sepse nuk po vijnë rezultatet, por në dhomat e zhveshjes ka pozitivitet dhe ambienti është i shëndetshëm. Mentaliteti është i duhuri, fitorja kaq e çmuar në një fushë të vështirë është e rëndësishme për ne. E kemi detyrimin ta rregullojmë, duke u munduar në çdo mënyrë. Duam të bëjmë më shumë, ndaj po mundohemi të përmirësohemi me punë të përditshme,” tha mes tjerash Gabia.