Reka: Dy vite pas agresionit serb ndaj Kosovës, OKB vazhdon të heshtë

Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka kritikuar heshtjen e institucioneve ndërkombëtare pas agresionit të Serbisë ndaj Kosovës.

“Dy vite pas sulmit, ende mungon reagimi i institucionit kryesor global për ruajtjen e paqes. Është paradoksale se mblidhej urgjentisht për çështje monetare, por jo për një agresion të armatosur të një shteti kundër një shteti tjetër,” tha Reka.

Ai kujtoi se aleati i presidentit serb Aleksandar Vuçiq, përgjegjës për sulmin në Banjskë, vazhdon të lëvizë i lirë në Serbi, ndërkohë që Vuçiq mban ligjërata për “paqen” në organizatën botërore.

Sipas Rekës, kjo situatë tregon se “kur diplokracia hesht për kërcënimin e paqes, stabilokracia flijon demokracinë për autokraci.” (INA)