Rekord absolut për Interin, shënon 47 gola në transfertë

Fitorja e thellë me rezultat 6:0 ndaj Lacios e shënon një rekord të ri për Interin. Falë këtij rezultati, skuadra e Simone Inzagit shkoi në shifrën e 47 golave të shënuara në transfertë në vitin 2024, njofton “Opta”.  Bëhet fjalë për numrin më të madh të golave të shënuar në transfertë brenda një viti në kampionatin Serie A.

Ndër ata që u veçuan ishin edhe Denzel Damfries e Federiko Dimarko, të cilët u ngritën në 7 respektivisht 8 gola në dy sezonet e fundit. Asnjë mbrojtës nuk ka bërë më mirë në Serie A në këtë periudhë.

Ndërkaq, Hakan Çalhanoglu arriti në kuotën e 100 kontributeve në gol, përfshirë këtu 48 gola e 52 asiste në Serie A, përfshirë këtu eksperiencat në Milan dhe në Inter.