Rezolutë e re amerikane për Maqedoninë e Veriut: Vlerësohet bashkëpunimi i URMV-së me strukturën ushtarake amerikane
Një rezolutë e re amerikane për Maqedoninë e Veriut, duke na uruar për 34 vjet pavarësi, është paraqitur nga senatorët amerikanë Peter Welch (Demokrat i Vermontit), Tom Tillis (Republikan i Karolinës së Veriut), Gene Shaheen (Demokrat i New Hampshire) dhe Pete Ricketts (Republikan i Nebraskës). Welch i bëri homazh 30 viteve të marrëdhënieve diplomatike dhe miqësisë midis Shteteve të Bashkuara dhe Maqedonisë së Veriut, raporton “Benningtonbanner”.
“Lidhja e miqësisë midis Shteteve të Bashkuara dhe Republikës së Maqedonisë së Veriut është jetike për përparimin e reformës demokratike dhe sundimin e ligjit në Evropën Lindore. Ne jemi mirënjohës për partneritetin e vazhdueshëm të Maqedonisë së Veriut në qëllimin tonë të përbashkët për prosperitet global, paqe, bashkëpunim dhe miqësi. Jam krenar që prezantoj këtë rezolutë, e cila nderon tre dekada miqësie midis dy vendeve tona dhe uron popullin e Maqedonisë së Veriut për 34-vjetorin e pavarësisë”, tha Welch.
Ai shtoi se do të vazhdojë të mbështesë anëtarësimin e Maqedonisë në BE, si dhe të forcojë bashkëpunimin dhe koordinimin midis Ushtrisë së RMV-së dhe Gardës Kombëtare të Vermontit.
“Ky bashkëpunim “për më shumë se tre dekada” ka ndihmuar në ndërtimin e kapaciteteve dhe aftësive për të mbrojtur “sigurinë rajonale”, theksoi Gjeneral Major Gregory Knight.
