Rikthehet pas 7 muajve mungese, pasi vuajti dënimin për pjesëmarrje në baste
Trajneri i Juventusit, Paolo Montero ka publikuar listën e skuadrës për ndeshjen në Serie A kundër Bolonjës, dhe Nikolo Faxhioli është rikthyer pas dënimit prej shtatë muajsh për pjesëmarrje në baste. Faxhioli mund të bëjë paraqitjen e tij të parë në një ndeshje zyrtare sonte, duke u rikthyer në aksion pas një ndalimi prej shtatë muajsh.
Faxhiolit iu dha një pezullim 12-mujor më 17 tetor 2023, pasi pranoi se kishte luajtur në lojëra të fatit përmes platformave të paligjshme dhe pranoi një marrëveshje për pranimin e fajësisë, duke përfshirë terapinë për varësinë nga kumari.
Dënimi fillestar prej 12 muajsh u zvogëlua në shtatë me disa kushte, duke përfshirë ndjekjen e trajtimit për varësinë nga kumari për një minimum prej gjashtë muajsh. Faxhioli ka bërë gjashtë paraqitje këtë sezon, e fundit ishte më 1 tetor në barazimin 0-0 kundër Atalantës në Bergamo.
23-vjeçari vazhdoi stërvitjen me pjesën tjetër të ekipit gjatë vuajtjes së dënimit dhe bëri një sërë paraqitjesh publike për të rritur ndërgjegjësimin mbi lojërat e fatit dhe për të ndihmuar të tjerët të shmangin një fat të ngjashëm.
Sidoqoftë, ai nuk pritet që të startojë nga minuta e parë në këtë takim, por Montero e ka si opsion për ta aktivizuar në pjesën e dytë.
