Sali Murat: Qeveria po kryen grusht shtet kushtetues
Deputeti i opozitës, Sali Murat, ka reaguar ashpër ndaj veprimeve të qeverisë aktuale, duke paralajmëruar se vendi po shkon drejt një krize të thellë kushtetuese dhe politike. Sipas tij, qeveria po organizon sulme sistematike ndaj shtetit të së drejtës, heq sigurinë juridike të qytetarëve, ndërpret dialogun ndërkomunal, hesht mediat duke marrë kontrollin, detyron Gjykatën Kushtetuese të marrë vendime politike dhe kryen grusht shteti kushtetues duke mos zbatuar me vetëdije parimin e përfaqësimit të drejtë dhe proporcional.”
Murat kritikoi ashpër ministrin e Drejtësisë për deklaratat e tij mbi parimin e Badinterit, duke e quajtur të papërgjegjshëm dhe duke theksuar se as ai dhe as qeveria nuk kanë kompetencë të heqin parimet themelore të Kushtetutës.
Sipas tij, tentativat për të relativizuar apo eliminuar parimin e Badinterit përbëjnë rrezik serioz për të ardhmen demokratike të vendit.
Deputeti opozitar shprehu zhgënjimin e tij edhe për mungesën e reagimit nga strukturat politike dhe shoqëria civile turke, të cilat sipas tij “po vazhdojnë të heshtin dhe të flenë përballë zhvillimeve kritike.”
Murat përfundoi duke thënë se ai dhe të tjerë nuk do të heshtin, por do të vazhdojnë të informojnë kombin për çdo shkelje ndaj Kushtetutës.
