“Shkojmë në shesh”, protestuesit largohen nga objekti i EULEX-it

Në mesin e protestuesve është dëgjuar një thirrje për vazhdimin e protestës në shesh, ku në koordinim me policinë e Kosovës, protestuesit kanë bërë thirrje që të largohen nga ambienti afër objektit të EULEX-it.

“Shkojmë në shesh, nëse jeni për me bo protestë”, është dëgjuar duke thënë njëri prej protestuesve.

Thirrja është bërë në kohën kur protestues të shumtë janë mbledhur në shenjë kundërshtimi ndaj aktgjykimit të Dhomave të Specializuara të Kosovës në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit.