Shpërndarja e fletëvotimeve ka nisur – të dielën qytetarët votojnë në 32 komuna dhe në Shkup

Shtypshkronja “Kiro Dandaro” në Manastir ka filluar shpërndarjen e mbi 1 milion fletëvotimeve për raundin e dytë të zgjedhjeve lokale 2025.

Sipas Komisionit Shtetëror të Zgjedhjeve (KShZ), në këtë raund do të zgjidhen kryetarët e 32 komunave si dhe i Qytetit të Shkupit.

Të shtunën do të votojnë të sëmurët, të burgosurit dhe personat në arrest shtëpiak, ndërsa votimi i përgjithshëm do të mbahet të dielën, më 2 nëntor.

Procesin zgjedhor do ta monitorojnë 1.569 vëzhgues, vendas dhe ndërkombëtarë.
Ndërkohë, do të zhvillohen rizgjedhje për anëtarë të Këshillit në tre qendra votimi në komunën Shuto Orizarë, ku, sipas KShZ-së, rezultati mund të ndikojë në ndarjen e mandateve të këshilltarëve.