Spektakli në Riad, Tajson Fjuri peshon 25 kg më shumë se Usyk
Pak orë para duelit të madh të peshave të rënda në boks mes Tajson Fjuryit dhe Oleksandr Usyk, në Riad të Arabisë Saudite, dy boksierët kanë kryer peshimet zyrtare.
Gjithcka ka shkuar qetësisht, pa përplasje fizike apo fyerje. Madje boksierët as nuk qëndruan ballë për ballë. Ata qëndruan të veshur gjatë kohës së peshimeve dhe ia kanë lënë gjithcka ringut. Tajson Fjuri peshonte 127kg, shumë më tepër se sa në sfidën e parë. Ai ishte 25kg më shumë se Usyk, që peshonte 102kg.
Differenca shumë të mëdha në peshë mes dy boksierëve, me Fjurin që duket se ka një strategji tjetër nga sfida e parë. Ndërkohë, stafi i Usyk ka ngritur pretendime se Fjuri duhet të heqë mjekrën. Sipas tyre, mjekra e britanikut është shumë e madhe dhe duhet ta shkurtojë atë. Stafi i Fjurit ka hedhur poshtë pretendimet.
