Statistika të veçanta për Interin, Inzagi i kënaqur me shpirtin ekipor
Interi arriti një barazim dinjitoz pa gola në transfertë ndaj Mançester Sitit, duke e nisur në mënyrë pozitive këtë aventurë në kompeticionin më të rëndësishëm për klube. Interi ka barazuar ndeshjen e parë jashtë fushe kundër skuadrave angleze në Champions League. Zikaltrit vijnë me ambicie madhore këtë edicion dhe do të tentojnë të marrin maksimumin nga ky edicion.
Simeone Inzagi u shfaq i lumtur pas barazimit që skuadra e tij regjistroi në transfertë ndaj Mançester Sitit, në duelin që përfundoi në barazim pa gola
I komplimentova, djemtë ishin gjigantë. Ata bënë një paraqitje të jashtëzakonshme, ne e dimë vlerën e Mançester Sitit. Ne kishim nevojë për një ndeshje të madhe dhe e bëmë atë, me mundësi të arta: ato të Karlos Augustos, Darmian dhe Mkhitarian.
Si Zilinskin dhe Mkhitarjan, janë dy lojtarë cilësorë, ne e donim shumë Zilinskin sepse e dinim se çfarë mund të na jepte. Ai është një lojtar i rëndësishëm, ne e dimë se të gjithë do të nevojiten dhe herë pas here do të duhet të jem i mirë në zgjedhjet.
Unë u dëshpërova me rastin e Mkhitarjan, mendova se ishte gol. Dimarko duhet të jetë në derbi, dhe situatë është e qetë. Nëse ai nuk do të ketë probleme do të jetë pjesë e ndeshjes.
Barela kishte vrapuar 12.5 km dhe unë thirra Fratezin për ta ndërruar, pastaj në ato momente Çalhanoglu pati një problem të vogël. Mund të kisha futur edhe Asllanin, por Fratezi kishte dy minuta që po priste. I llogaris të dy, por unë zgjodha Fratezin”, u shpreh Inzagi.