Taravari prezanton një prurje të re (foto)

Aleanca Kombëtare për Integrim ka njoftuar sot për një aderim të ri në radhët e saj. Bëhet fjalë për Sinan Idrizin, i njohur si multi-kampion në sport dhe biznes.

Idrizi është shpallur kampion në kick-boxing dhe karate, ndërsa ka ndërtuar edhe një karrierë të suksesshme në fushën e gastronomisë, me disa restorante në Norvegji dhe Tetovë. Përveç kësaj, ai është i angazhuar edhe në sportin lokal, duke mbështetur dhe drejtuar klubin Shkëndija-HB.

“Kemi fituar një qytetar kampion që i bashkohet ekipit tonë,” ka shkruar lideri i Aleancës, Arben Taravari, në një reagim publik.

Aleanca Kombëtare për Integrim e ka shoqëruar aderimin me moton: “Të gjithë në këmbë për Ardhmërinë!”