TAV Maqedonia tërheq kufizimin për hyrjen falas në zonën “Hug & Fly”
TAV Maqedonia ka tërhequr kufizimin për hyrjen falas të automjeteve në zonën “Hug & Fly” të Aeroportit Ndërkombëtar të Shkupit. Kufizimi parashikonte që një automjet të mund të hynte falas vetëm një herë brenda 24 orëve.
Vendimi është tërhequr pasi Komisioni për Mbrojtjen e Konkurrencës kërkoi nga TAV Maqedonia sqarime dhe të dhëna shtesë lidhur me mënyrën e vendosjes dhe zbatimit të këtij kufizimi.
Sipas Komisionit, TAV Maqedonia e ka njoftuar se ka hequr masën.
Komisioni e ka përshëndetur tërheqjen e kufizimit dhe ka bërë të ditur se do të vazhdojë të monitorojë kushtet e qasjes në infrastrukturën aeroportuale, veçanërisht për të garantuar trajtim të barabartë dhe jodiskriminues për pjesëmarrësit në treg.
Nga Komisioni kanë theksuar se do të ndërmarrin masa brenda kompetencave të tyre ligjore në çdo rast kur kushtet ose masat e caktuara mund të ndikojnë në konkurrencë dhe interesat e qytetarëve.
