Te disa njerëz shpesh shfaqet nevoja të shkojnë në tualet kur janë duke bërë blerje: Mjeku zbulon se çfarë fshihet pas saj
Një fenomen i pazakontë ndodh kur bëni blerje!
Jashtëqitja e rregullt është një parakusht për tretje të mirë dhe të shëndetshme. Ndonjëherë ndodh që të shkojmë në tualet në vendin e gabuar.
Mjekët shpesh këshillojnë se nuk duhet të vuajmë, si jashtëqitjen ashtu edhe urinën.
Dr. Saurabh Sethi, gastroenterolog i trajnuar në Harvard, i cili ndiqet nga qindra e mijëra njerëz në rrjetet sociale, ka komentuar shkuarjen në tualet në vende publike.
Shumë njerëzve, pacientë të tij, u ndodh që të kërkojnë një tualet derisa janë duke blerë gjësende.
Ai shton se në qendër është fenomeni “Mariko Aoki”, i cili u përmend për herë të parë në Japoni në vitin 1985. Emri u krijua pasi një grua nga Japonia, e cila i shkroi një letër një reviste, duke treguar në të se ajo duhej të kërkonte urgjentisht tualetin sa herë që hynte në një librari. Dhe dihej se kjo zgjati për javë të tëra.
“Shumë nga pacientët e mi kanë treguar se kanë pasur të njëjtën përvojë”, thotë ai, transmeton Telegrafi.
Dr. Sethi shpjegon se problemi lind kur organizmi nxitet nga disa stimulues, si aroma e librave apo kafesë. Gjithashtu, ndjesia e relaksimit, si dhe ankthi, gjatë blerjeve mund të ndikojnë në këtë fenomen.
Nëpërmjet komenteve, përdoruesit ndanë përvoja të ngjashme. Për shumicën e njerëzve, një nxitje e papritur për të urinuar nuk është shkak për shqetësim. Por nëse ndodh shpesh, mund të jetë një shenjë se diçka më serioze po ndodh.
Një nevojë e papritur mund të jetë një shenjë e sindromës së zorrës së irrituar (IBS) – një gjendje e zakonshme që prek sistemin tretës.
Simptomat kryesore të IBS janë:
Dhimbje stomaku ose ngërçe – zakonisht më të forta janë pas ngrënies,
Fryrje,
Diarre,
Kapsllëk.
Përdorimi urgjent i tualetit është shpesh rezultat i ndryshimeve të papritura në zbrazjen e zorrëve dhe zakonisht shoqërohet me diarre.
Mund të jetë gjithashtu një simptomë e sëmundjes celiake, një gjendje autoimune ku trupi juaj sulmon veten kur hani gluten dhe sëmundjeve inflamatore të zorrëve (IBD), si sëmundja e Crohn dhe koliti ulceroz. /Telegrafi/
