“Te Milani dua të fitojë sa më shumë tituj”
Portieri i Milanit, Majk Manjan, nuk e mohon që e konsideron veten si portierin më të mirë në botë dhe se shpreson të qëndrojë sa më gjatë me “kuqezinjtë”. Një rinovim që do të donin të gjithë tifozët e Milan (kontrata aktuale skadon në vitin 2026). Synimet, të paktën sipas fjalëve të portierit francez, janë të mira.
“Këtu do të doja të fitoja sa më shumë tituj. Te Milani gjeta shokë dhe mbështetës të jashtëzakonshëm. Një familje. Kur shkuam nëpër qytet me autobus kur fituan titullin përjetova një moment unik,” tha në fillim portieri francez.
Manjan, i cili në një intervistë për “GQ Italia” zbuloi pesë fjalët që shkroi në doreza “besim, disiplinë, punë, durim dhe përulësi”, nuk i fsheh ambiciet e tij.
“A jam portieri më i fortë në botë? Nuk them JO. Ka shumë portierë të fortë në qarkullim, prandaj vazhdoj të punoj shumë. Megjithatë, shikoj vetëm veten time. E di potencialin tim, më të mirën që mund të jap, besoj në veten time, kam punuar shumë për të qenë këtu ku jam,” tha në vazhdim Manjan.
I apasionuar pas modes, portieri francez kërkon modestin.
“Unë kam një stil klasik dhe bashkëkohor. Prandaj bashkëpunimi im me ‘Missoni’, i cili është një markë elegante, por në të njëjtën kohë unike dhe shumë e kërkuar,“ shpjegon Manjan.
Në fund, portieri 28-vjeçar, shprehet se është ende shumë e uritur për trofe.
“Kam shumë ëndrra që do të doja ta realizoja. Por, mbi të gjitha, do të doja të arrij nivelin më të lartë në futboll, të kapërcej kufijtë e mi dhe të lë gjurmë në histori”.
