Thellohet bashkëpunimi institucional për nxitjen e investimeve
Zëvendësdrejtori në Drejtorinë e Doganave të Republikës së Maqedonisë së Veriut, Mustafa Dauti, realizoi një takim pune me drejtorin e Agjencisë për Investime të Huaja dhe Promovim të Eksportit, Refik Xhemaili, ku u diskutua për thellimin e bashkëpunimit institucional me qëllim përmirësimin e klimës investuese në vend.
Fokusi i takimit ishte në disa tema kyçe:
• Rritja e mbështetjes për kompanitë e orientuara drejt eksportit, përmes shkëmbimit të informacionit në kohë dhe koordinimit operativ ndërinstitucional;
• Aktivitetet e përbashkëta për krijimin e një kornize rregullatore transparente, të parashikueshme dhe konkurruese, e cila do të lehtësojë hyrjen dhe funksionimin e investitorëve të huaj në Maqedoninë e Veriut;
• Avancimi i digjitalizimit dhe integrimi i proceseve që lidhen me dokumentacionin doganor dhe të investimeve.
Të dy institucionet shprehën gatishmërinë për të vendosur një mekanizëm të përhershëm komunikimi dhe koordinimi, me qëllim zgjidhjen në kohë të sfidave eventuale në terren dhe përmirësimin e shërbimeve ndaj investitorëve dhe eksportuesve.
✅ Sinergjia institucionale përbën bazën për krijimin e një klime të qëndrueshme dhe atraktive afariste, që është thelbësore për zhvillimin ekonomik të përshpejtuar dhe rritjen e investimeve të huaja direkte.
✅ Angazhimi i përbashkët është i qartë: institucione më efikase, rregullore të parashikueshme dhe mbështetje e fuqishme për rritje ekonomike.
