Tifozët e Seltikut mbështesin palestinezët: UEFA, tregoji Izraelit një karton të kuq
‘Brigada e Gjelbër’, një grup i njohur tifozësh të Seltikut, shpesh shprehin mbështetje për Palestinën, veçanërisht pas fillimit të sulmeve izraelite në Gaza në tetor të 2023.
Gjatë ndeshjes kundër Bajernit, tifozët më të zjarrtë të Seltikut në tribuna shpalosën një pankartë të madhe me një mesazh për UEFA-n.
“Tregoni ‘Izraelit’ një karton të kuq”, shkruhej në koreografi, ku fjala “Izrael” ishte e shkruar me bojë të kuqe që, si gjaku, rrjedh nga shkronjat. Poshtë mesazhit, ata mbanin qindra kartonë të kuq dhe valëvitnin flamurin palestinez.
Show Israel the red card 🟥 pic.twitter.com/2HJenJ1mBh
— Hargi (@hargi_) February 12, 2025
Mesazhi për t’i treguar Izraelit një karton të kuq është i qartë – nëse futbollistët rusë pezullohen për sulmin e vendit të tyre ndaj Ukrainës dhe nuk mund të marrin pjesë në asnjë garë të UEFA-s, atëherë izraelitët duhet të kenë të njëjtin trajtim për sulmin ndaj palestinezëve.
Por, një gjë është e sigurt – Seltiku do të dënohet, siç kanë bërë shumë herë më parë, për mbështetjen e tifozëve të tyre për Palestinën.
