Tjetër klub shqiptarë në elitën e futbollit në Malin e Zi

Klubi nga Ulqini, Otranti, për herë të parë në histori ka siguruar ngjitjen në Superligën e Malit të Zi.

Në sfidën e fundit, KF Otranti luajti baras me rezultat 2-2 ndaj Mlladostit nga Podgorica në ndeshjen e kthimit të barazhit, rezultat i cili i mjaftoi për të siguruar ngjitjen në elitën e futbollit malazez.

Mlladosti në fakt shënuan të parët, por reagimi i ekipit nga Ulqini ishte i shpejt dhe ata arritën të përmbysin shifrat me anë të Shkrelës dhe Rexhës. Deri në përfundim të takimit Mlladosti shënoi për të barazuar shifrat, por kjo nuk ishte pengesë në qëllimin e Otrantit.

Që nga sezoni i ardhshëm Superliga e Malit të Zi do të ketë pjesë të saj dy ekipe shqiptare, Deçiqin dhe Otrant Olimpik Ulqinin. Kujtojmë që sivjet Deçiqi u shpall për herë të parë kampion në Malin e Zi.