Tre të lënduar, tre të arrestuar- Detaje të reja pas rrahjes brutale mes tifozëve të Dritës dhe Kopenhagës

Tre persona kanë pësuar lëndime trupore dhe kanë pranuar trajtim mjekësor, ndërkaq tret ë tjerë janë arrestuar e disa të tjerë janë shoqëruar pas një rrahjeje mes tifogrupit “Intelektualët” dhe tifozëve të Kopenhagës tek “Kafet e Rakisë” në Prishtinë.

Lajmin e ka bërë të ditur për Gazetën Insajderi Enis Pllana, Zyrtar për Informim për Kryeqytetin në Policinë e Kosovës.

“Sot rreth orës 19:00 ka ndodhë një incident, ku disa tifozë janë përleshur mes vete. Si pasojë, tre persona kanë pësuar lëndime, të cilët edhe kanë pranuar tretman mjekësor. Policia ka vënë situatën nën kontrollë, ku ka arrestuar tre persona dhe disa të tjerë i ka shoqëruar për në stacion policor”, ka thënë ai për Insajderin.