Valdet Xhaferi: Media e lirë është zemra e demokracisë
Kryetari i degës së BDI-së në Gostivar dhe drejtues i Institutit “Abdylhaqim Ademi”, Valdet Xhaferi, ka reaguar pas presioneve ndaj portalit “Tetova Sot”, duke theksuar se fjala e lirë është themeli i çdo demokracie.
“Media e lirë është zemra e demokracisë! Presionet ndaj Tetova Sot nuk janë vetëm sulm ndaj një portali, por ndaj të drejtës së qytetarëve për t’u informuar pa frikë”, ka deklaruar Xhaferi.
Ai shtoi se qëndron fuqishëm pranë gazetarëve dhe stafit të portalit, duke theksuar se “fjala e lirë nuk shantazhohet, nuk shuhet dhe nuk dorëzohet”.
“Sulmi mbi një medium të lirë është sulm mbi demokracinë tonë dhe mbi secilin prej nesh”, tha në fund Xhaferi.
