
Valencia kërkon shtyrjen e sfidës ndaj Real Madridit, shkak përmbytjet
Valencia kërkon shtyrjen e ndeshjes kundër Real Madridit në La Liga pas përmbytjeve të papritura që kanë vrarë të paktën 62 persona në Spanjë.
Spanja po përjeton pasojat e reshjeve të dendura të shiut dhe përmbytjeve vdekjeprurëse që kanë rezultuar në humbjen e të paktën 62 jetëve. Një nga zonat më të goditura është qyteti Chiva, afër Valencias, që ka pasur një sasi të paparë reshjesh — duke tejkaluar nivelet vjetore — brenda vetëm tetë orësh, duke kthyer rrugët në lumenj dhe shkaktuar shkatërrime të madh.
Për shkak të përkeqësimit të kushteve, sipas “The Athletic”, Valencia ka kërkuar shtyrjen e ndeshjes së La Ligës të së shtunës kundër Real Madrid në stadiumin e tyre, Mestalja. Gjithashtu, Valencia duhej të luante një ndeshje jashtë fushe të mërkurën kundër një skuadre të ligës së gjashtë në Parla, një qytet rreth 15 milje larg Madridit. Për shkak të kushteve të këqij të motit dhe dëmeve të shumta, ndeshja është caktuar për datën 6 nëntor, duke siguruar kohë shtesë që autoritetet lokale të rivendosin sigurinë në zonë.
Kërkesa e Valencias për të shtyrë ndeshjen e ardhshme kundër Real Madrid vjen gjithashtu në një kohë të vështirë për klubin në fushë. Aktualisht në fund të tabelës së La Liga-s, skuadra ka fituar vetëm një nga njëmbëdhjetë ndeshjet e para të këtij sezoni. Performancat e dobëta kanë rritur presionin mbi trajnerin Ruben Baraja, i cili tani përballet me sfida të mëdha për ta nxjerrë skuadrën nga situata e vështirë ku ndodhet.