Vdekja e 3 vjeçarit në Rahovec të Kosovës – Policia jep detaje

Një 3 vjeçar ka vdekur në Rahovec pasi i kanë rënë dyert e oborrit.

Kështu ka bërë me dije policia e Kosovës përmes raportit 24 orësh.

Dyshohet se aksidentalisht një derë e hekurt e mbështetur nga muri është rrëzuar dhe ka goditur viktimën.

“Rahovec / 14.07.2024-20:05. Në emergjencën e Spitalit Rajonal Gjakovë nga prindi është sjellur një fëmijë – viktimë mashkull kosovar i moshës tre vjeçar me lëndime të rënda trupore, ku mjeku kujdestar ka konfirmuar vdekjen e viktimës”, thuhet në njoftim.

Me vendim të prokurorit trupi i pajetë është dërguar në IML për obduksion.