Vendimi për mbylljen e Tik Tok, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik

Lajmi per mbylljen e TIkTok në Shqipëri ka gjetur pasqyrim të gjerë në mediat ndërkombëtare.

Gazetarja amerikane, Anne Applebaum ndërsa ka publikuar lajmin e ‘The Guardian’ lidhur me vendimin e qeverisë shqiptare për mbylljen e Tik Tok, shkruan se Shqipëria e ndaloi këtë rrjet social sepse po dëmton fëmijët.

”Shqipëria e ndaloi Tik Tok sepse po dëmton fëmijët, duhet vetëm vullnet politik”, shkruan ajo në platformën X.

Kjo lëvizje e qeverisë erdhi pas tragjedisë së vrasjes së 14-vjeçarit Martin Cani pranë shkollës ‘Fan Noli’, që sipas qeverisë zanafilla e dhunës dhe bullizmit mes të miturve nisi në rrjetin social TikTok.