![VIDEO / PSZH bën ligjin në Kupën e Francës, Mbape nuk shënon gol](https://shprehja.com/wp-content/uploads/2024/05/Kylian-Mbappe-raises-the-trophy-during-the-presentation-ceremony-after-the-French-Cup-final-scaled-850x560.jpg)
VIDEO / PSZH bën ligjin në Kupën e Francës, Mbape nuk shënon gol
PSZH fiton për herë të 15-të në histori Kupën e Francës. Skuadra e Luis Enrikes mposhti me rezultatin 2-1, Olimpik Lionin, duke ngritur lartë trofeun e dytë më të rëndësishëm në Francë. Për PSZH-në kjo ishte finalja e 20-të në histori, ndërsa për Lionin ishte e 9-ta, nga ku kanë regjistruar 4 humbje. Takimi i luajtur në “Stade Pierre-Mauroy” rezultoi një spektakël i vërtetë!
Një ndeshje me shumë ritëm dhe shumë e luftuar. Ishte Dembele ai i cili zhbllokoi finalen, me goli e shënuar me kokë në minutën e 22-të, teksa duke shfrytëzuar rrëmujën në zonë, Fabian Ruiz realizoi golin e dytë për PSG-në në minutën e 34-t dhe duke bërë që fraksioni i parë i ndeshjes të përfundonte me rezultatin 0-2.
Megjithatë te Lioni vazhduan me sulmet në pjesën e dytë dhe në minutën e 55’ Obrien shënoi me kokë, duke rihapur sfidën, por vetëm kaq, pasi në fund ishte PSG-ja që festoi.
Sa i përket Kilian Mbape, francezi nuk ia doli të gjente rrugën drejt rrjetës në ndeshjen e tij të fundit me PSG-në, megjithatë e mbylli rrugëtimin me parizienët me trofeun e Kupës së Francës.