VIDEO / Suedia me fitore minimale, Broja nuk ia del ndaj “vikingëve”
Pritshmëritë ishin të larta, megjithatë fusha e blertë tregoi sërish se Shqipëria e ka tepër të vështirë, ndaj “gjigantëve” të futbollit evropian. Kësaj radhe, “Legjionarët” pësuan një tjetër humbje, të tretën që nga ardhja e teknikut Silvinjo, ku si kundërshtarë ishin “Vikingët” e Suedisë, me “skandinavët” që arritën fitoren 1 me 0, në “shtëpinë” e tyre, “Friends Arena”.
Dominimi i “kuqezinjve” u pa qartë në fushën e blertë, megjithatë ndërhyrjet e suedezëve, shpeshherë të “favorizuara” edhe nga arbitri rumun, Marsel Birsan, ku në pjesën e parë nuk u akordua një penallti për kuqezinjët, me “bomberin”, Armando Broja, që shpërthen në krahun e djathtë të fushës dhe pengohet nga një prej kundërshtarëve, por gjyqtari nuk e vë re.
Goli i vetëm i kësaj sfide erdhi në minutën e 62’-të, ku pas një neglizhence të mbrojtjes, “shtatlarti” suedez, Gustaf Nilson kërcen më lart se të tjerër, për të dërguar në rrjetë një krosim fantastik të “yllit”, të Tottenham, Dejan Kullushevski, fillimisht duke i marrë avantazhin “legjionarëve” e 30 minuta më vonë “vulosi” disfatën e radhës, të djemve, të Silvinjos.
Pas këtyre miqësoreve të marsit, performancat e të cilave ishin katastrofike, sidomos në sfidën e parë ndaj Kilit, tashmë kombëtarja e Shqipërisë dhe veçanërisht teknikun Silvinjo kanë për detyrë, të përgatiten për kompeticionin më të rëndësishëm për përfaqësuese, në Evropës, “Euro 2024”, me sfidat e radhës, që do të jenë miqësoret ndaj Lihtenshtejnit e Azerbajxhanit, më 4 e 7 qershor.