Vrasja e Bejtjas, flet babai: Nëse djali im ka vrarë, i jap dorën atij që e ekzekutoi
Babai i Gentian Bejtjes, Gani Bejtja, ka folur ekskluzivisht për emisionin Uniko nga Spartak Koka në Klan Plus, në lidhje me ngjarjen e rëndë, ku djali i tij u ekzekutua me breshëri plumbash në oborrin e shtëpisë.
Ai ka treguar se një Fuoristradë me xhama të zinj ka ndaluar pranë shtëpisë së tyre dhe katër persona u futën në oborrin e shtëpisë dhe me breshëri plumbash qëlluan drejt Gentian Bejtës, të cilin e ekzekutuan në sy të fëmijëve dhe bashkëshortes.
Gani Bejtja është shprehur se një nga autorët në momentin që është futur në oborrin e banesës ka kërcënuar me armë fëmijët dhe nusen. Ai ndër të tjera shprehet se kërkon të dijë motivin se përse është vrarë djali i tij.
“Le të vijë të ma thotë se e kam bërë se djali jot më ka bërë këtë, ta di edhe unë. I jap dorën. Nëse të ka vra, të ka pre, a ça të ka bërë, të vijë të ma thotë. Ia kam bërë për këtë punë, i pi kafen, por jo kështu. Se di nga ka ardhur”, tha ai ndër të tjera në “Uniko”.
Kujtojmë që Gentjan Bejtja ka qenë në oborr duke vaditur disa fidanë domate, ku autorët të maskuar dhe veshur me të zeza kanë hyrë në portë dhe kanë qëlluar me breshëri plumbash drejt tij.
4 autorët dyshohet se qëlluan që nga porta dhe më pas për të siguruar se e kishin vrarë, i janë afruar dhe e kanë qëlluar sërish. Plot 30 plumba kanë përshkruar trupin e Bejtjas që i shkaktuan edhe vdekjen.
Ish-policii i burgjeve, i cili i kishte shpëtuar disa herë atentateve e dinte se ishte më shënjestër dhe ndaj nuk jetonte në Fushë-Krujë, por ishte kthyer ditën e fundit pasi po bënte disa proceduar për të shitur shtëpinë e tij, gjë të cilën do ja besonte djalit të xhaxhait, ndërsa vetë kishte planifikuar që të largohej nga Shqipëria së bashku me familjen.
Ish-polici i burgjeve, Gentjan Bejtja i cili u ekzekutua me armë zjarri më 15 mars në Larushk të Fushë Krujës ishte një emër i njohur për policinë e shtetit pasi ka qenë i përfshirë në disa ngjarje kriminale në të shkuarën.
Bejtja u vra në oborrin e shtëpisë së tij në Larushk të Fushë Krujës ishte i dyshuar për një sërë ngjarjesh të rënda. Në 9 janar të vitit 2022, Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.
Gjithashtu, ish-polici Bejtja i ka shpëtuar edhe një atentati me minë të telekomanduar në vitin 2016. Në vitin 2022, ndaj tij është qëlluar me breshëri kallashnikovi teksa lëvizte me makinë në zonën e Niklës, i shoqëruar nga Klodian Stafuka. Asokohe Gentian Bejtja mbeti i plagosur, shkruan neësbomb.al.
Në verën e vitit 2023 ai ndodhej në oborrin e shtëpisë me kunatin dhe familjarë të tjerë, kur një togë vrasësish hapën zjarr me breshëri dhe i morën jetën Ramzan Sinos, plagosën Gentian Bejten dhe dy fëmijët e mitur të tij. Ramazan Sino ishte shofer në Prokurorinë e Tiranës.
Ai njihej edhe në zonë për konfliktet që ka pasur me vëllezërit Valter dhe Durim Bami. Gjithashtu, burime për mediat bëjnë me dije se Bejtja është marrë në pyetje në lidhje me zhdukjen e Ervis Martinajt.
Bejtja dhe miku i tij Stafuka janë dyshuar se kanë qenë autorët e atentati ndaj ish komisarit Dritan Lamaj. Gjithashtu është pyetur në lidhje me atentatin ndaj kushëririt të Vis Martinajt në Fushë-Krujë si dhe zhdukjen e Vis Martinajt, si person që ka informacion mbi ngjarjet.
