Xhadon Sanço nuk ka dilemë se kush është lojtari më i mirë në botë
Në vitin 2020, Xhadon Sanço mori pjesë në një intervistë me “SoccerBible” dhe iu kërkua të përmendte lojtarët që kishte parë në një fushë futbolli. Krahas Nejmarit dhe Kilian Mbape, ai zgjodhi një lojtar tjetër – Messin, ku përshkroi gjeniun argjentinas si ‘lojtarin më të mirë në botë’.
“Mesi, Mbape, Nejmar – kjo ishte disi magjepsëse, shtrëngimi i duarve për herë të parë para një ndeshjeje. Mbape është pranë meje në moshë, por atë që ai ka bërë, duhet ta respektoni. Fitoi Kupën e Botës në një moshë kaq të re, duhet t’ia heqim kapelën.
Ky është një lojtar i mrekullueshëm atje. Dhe padyshim Nejmar, unë e shikoj atë. E shoh veten tek ai. Kam lidhje me atë që ai bën në fushë. Dhe më pas Messi flet vetë. Lojtari më i mirë në botë,” thot Sanço.
Por ai gjithashtu shtoi Ronaldinjon në listën e tij të idhujve.
“Jam rritur vetëm duke parë klipet e Ronaldinjos, ai ishte idhulli im. Ajo që ai bënte në fushë ishte thjesht e çmendur. Ai e bënte të dukej kaq e lehtë. Ai provoi gjëra të ndryshme dhe nuk u tremb,” tha mes tjerash Xhadon Sanço.
