Xhaka fishkëllohet në “Fadil Vokrri”, kapet keq me kreun e “Dardanëve”
Granit Xhaka nuk është pritur mirë nga një pjesë e tifozëve kosovarë gjatë ndeshjes së sotme ndaj Kosovës.
Kapiteni i Zvicrës u vërshëllye disa herë nga tribuna, duke krijuar një atmosferë të tensionuar në “Fadil Vokrri”.
IndeksOnline ka siguruar pamje ekskluzive pas përfundimit të ndeshjes, ku Xhaka shihet duke hyrë në një debat të nxehtë me Lulin, kreun e tifozëve “Dardanët”.
Shkëmbimi i fjalëve mes tyre ka zgjatur disa sekonda, ndërsa situata është qetësuar më pas nga pjesëtarë të sigurisë. Ngjarja ka nxitur reagime të shumta, ndërsa tensionet mes tifozëve dhe Xhakës vijojnë të jenë temë e diskutimeve pas ndeshjes.
