Zenku: Newsmax Balkan hyri në Maqedoni, një rrjet propagandistik pro-rus
Aktivisti shqiptar me bazë në SHBA, Ilir Zenku, ka ngritur alarmin për zgjerimin e rrjetit Newsmax Balkans në Maqedoninë e Veriut, duke e cilësuar atë si një platformë propagandistike pro-ruse, e lidhur me interesa serbe dhe me ndikim në zhvillimet politike në rajon.
Në një reagim të publikuar online, Zenku thekson se Newsmax është e qartë se çfarë misioni do të ketë.
“Newsmax, rrjet propagandistik pro-rus, po zgjerohet në Shkup. Këtu jepte intervistë ministri aktual i punëve të jashtme i Maqedonisë. VMRO dëshiron të futet te MAGA me ndihmën serbe. NewsMax Balkans financohet nga Telekom Srbija. Ndikimi Rus po rritet. Presionet do rriten. Presioni bën diamantin. Bashkimi është diamanti jonë”, shkruan Zenku nga Çikago.
