Zeqiri: “Në vend të gazetarëve të arrestohet Bilall Kasami me Dajxhën Rakip”
Zëdhënësi i Aleancës për Shqiptarët të Ziadin Selës, Arben Zeqiri, ka reaguar pas thirrjes së gazetarit të “Tetova Sot”, Nevrij Ademi, në stacionin policor të Tetovës.
“Jo Nevri Ademin, policia duhet t’i arrestojë Bilall Kasamin dhe dejxhën, e t’u merren edhe telefonat”, tha Zeqiri.
Ai theksoi se rasti nuk ka të bëjë me të dhënat personale, por me interesin publik dhe konfliktin e hapur të interesit.
“Interesi publik është më i rëndësishëm se interesi personal e individual. Publikimi i fotografisë, emrit dhe mbiemrit nuk është cënim i të dhënave personale. Të dhëna personale janë numri amzë, llogaria bankare, kondet dhe passwordet”, deklaroi Zeqiri.
Sipas tij, shoqërimi i një kryetari komune nga një person privat, e sidomos familjar, është shkelje e protokollit dhe keqpërdorim i funksionit.
“Daja, vëllau apo shoku nuk guxojnë të shoqërojnë një kryetar komune në vizita zyrtare. Edhe nëse shpenzimet i mbulon vetë, kjo është edhe më keq, sepse funksionarët nuk guxojnë të pranojnë dhurata mbi 50 euro. Për më tepër, askush jashtë kabinetit nuk guxon të dijë se për çfarë bisedon kryetari i komunës gjatë vizitës”, theksoi ai.
Në përfundim, Zeqiri tha se në këtë rast nuk është cënuar privatësia e “dejxhës”, por është cënuar interesi publik.
“Bilall Kasami në udhëtim nuk ka qenë si nip i dikujt, por si kryetar komune. Keqpërdorimi i policisë për presion mbi një gazetar është mbulim i keqpërdorimit që ka bërë kryetari i Tetovës”, u shpreh Zeqiri. Flaka Media
