Dovbyk drejt Romës, Atletico kthen vëmendjen nga sulmuesi i Villarealit
Me Dovbyk që duket se do të transferohet në Serinë A, aty ku e pret me ngulm Roma, Atletico e Madridit ka hedhur sytë nga një tjetër sulmues.
Bëhet fjalë për norvegjezin e Villareal, Alexander Sorloth, i cili është pjesë e Villarealit, por pritet të ndërrojë ambient këtë verë.
Sorloth po ndiqet me vëmendje nga drejtuesit e Atleticos, që me lejen e Villarealit ka nisur edhe negociatat me agjentët e sulmuesit, për të arritur një marrëveshje paraprake.
Kartoni i 29-vjeçarit përllogaritet të jetë rreth 20-25 milionë euro, shifër e përballueshme për arkat e Atleticos së Madridit, që pas largimit të Moratës dhe Memphis Depay, ka mbetur e zbuluar në repartin e avancuar.
