Burri që mendonte se ‘Dua Lipa po i kërkonte para’, gjendet i vdekur në Itali
AA
Trupi i Gianfranco Bonzi është gjetur në lumin Adda në veri të Italisë më 22 qershor, pasi ishte shpallur i zhdukur disa muaj më parë.
Sipas informacioneve i ndjeri ishte duke u mashtruar nga një person online që pretendonte se ishte këngëtarja Dua Lipa.
59 vjeçari, punonte si administrator pallati dhe kishte bërë një postim të trazuar në rrjet pak para zhdukjes.
“Ky është postimi im i fundit dhe një nga veprimet e fundit të jetës time. Arsyeja është një zhgënjim romantik që nuk mund të përballoja”, shkruante ai.
Policia dyshon se Bonzi kishte rënë viktimë e një mashtrimi online me kriptovaluta, ndërsa raportimet sugjerojnë se mashtruesi pretendonte se ishte këngëtarja shqiptaro-britanike Dua Lipa. Bonzi besohet se ka dërguar para për kantautoren e rreme, shkruan Mirror.
Ndërsa një i njohur i tij kishte thënë për mediat lokale: “Ai më thoshte se ajo e quante ‘dashuria ime’. Kishte bërë dy tërheqje në bankë nga rreth 2,500 euro secila prej fillimit të vitit. Në fillim të marsit më tha se i kishte dërguar para”.
“Më pas besoj se personi ishte zhdukur. Ai u zemërua dhe u stresua. Ishte i bindur për marrëdhënien që kishte me të dhe ndjehej i tradhtuar thellë, ishte një zhgënjimi madh për të”.
Ndërkohë thuhet se Bonzi ka vrarë vetëm pas trazirës emocionale.
Pas vdekjes së 59-vjeçarit ka reaguar edhe djali i tij Luca.
“Baba, nuk ka rëndësi çfarë bëre, do të të dua përgjithmonë, të lutem mos vuaj më. Tani më ruaj nga lart siç ke bërë gjithmonë”, shkruan në rrjete sociale djali.
Tre minatorë dalin nga Trepça, 60 mbesin ende
Tre minatorë kanë arritur të dalin nga miniera e Trepçës në Stantërg, ndërsa 60 të tjerë vazhdojnë të mbeten të
LAJMI I FUNDIT: Dalin gjithë minatorët e ngujuar
63 minatorë të Trepçës kanë mbetur të ngujuar të mërkurën mbrëma brenda minierës, pas një defekti në pajisjet e furnizimit
Armë të fshehura në kamper, ndalohet një shtetas
Një shtetas i Austrisë është ndaluar në pikën kufitare Tabanoc, pasi gjatë kontrollit të kamperit të tij policia ka gjetur
