Mësoni se sa do të fitojnë Majk Tajsoni dhe Xhejk Poll nga sfida e tyre në fundjavë

Pas 3 tre ditësh do të regjistrohet rikthimi në ring i boksierit legjendar Majk Tajson dhe ndeshja absurde kundër Xhejk Poll, sigurisht që do të tërheqë shumë shikues nga e gjithë bota. Këtë e mbështet edhe tarifa totale për këtë ndeshje, e cila sipas disa burimeve shkon në shifrën marramendëse prej 80 milionë dollarësh.

Tajsonit ia janë garantuar 20 milionë dollarë, ndërsa Paulit, 31 vite më i ri, 40 milionë dollarë. Ndërkohë 20 milionët e mbetura mund të jenë të destinuara për Tajsonin në rast fitoreje ose t’u shkojnë organizatorëve dhe akterëve të tjerë të kësaj ngjarje.

Vetë ndeshja është mjaft e diskutueshme, sidomos për shkak të moshës së legjendës së boksit, por duket se dikush ka vendosur ta paguajë mirë këtë event.

Kujtojmë që në natën mes së premtes dhe së shtunës, Tajsoni do të ketë ndeshjen e parë profesionale pas gati dy dekadash të plota. Majk Tajsoni i ‘mbylli’ dorezat në vitin 2005, të paktën për sa i përket karrierës së tij profesionale, sepse katër vjet më parë, ai bëri një ndeshje reviale kundër Roj Xhouns Xhuniorit.