Kosovare Asllani i shënon gol Serbisë, Suedia fiton me 6-0!

Kombëtarja e Suedisë triumfoi bindshëm ndaj Serbisë me rezultat 6-0 për t’u kualifikuar në EURO 2025 në konkurrencën e femrave, që do të mbahet në Zvicër në vitin e ardhshëm.

Në mesin e golashënueseve ishte edhe kapitenia, Kosovare Asllani, e cila gjeti rrugën e golit në minutën e 19-të. Ajo pas ndeshjes i postoi disa foto në rrjeter sociale, ku shihej duke e festuar golin dhe fitoren, e duke shkruar ndër të tjera: “Shihemi në Zvicër më 2025”.

Suedia kaloi tutje pasi fitoi 8-0 pas dy ndeshjeve. Paraprakisht kishte fituar 2-0 në Leskovc më 29 nëntor.