Renan Lodi drejt Arabisë Saudite, Marsej gjen zëvendësuesin në Serie A

Renan Lodi me shumë mundësi do ta vazhdojë karrierën e tij në Arabi. Mediet franceze raportojnë se mbrojtësi i Marsejës është në bisedime të avancuar me skuadrën e “Al-Hilal”, ndërsa transferimi pritet të mbyllet shumë shpejt, me klubin francez që nga kjo lëvizje do të arkëtojë 20 milionë euro.

Ndër të tjera, nga mediet franceze mësohet se Marseja e ka gati edhe zëvendësuesin e Renan Lodi. Klubi francez po “peshkon” në Serie A, ndërsa është afër transferimit të mbrojtësit të Verona-s, Josh Doig.