Atilla Kardesh në “BigBrotherVIP”, 30 mijë euro gjobë ndaj Klan Kosova
30 mijë euro gjobë do të duhet të paguajë KlanKosova pasi në spektaklin “Big Brother VIP Kosova” futën si konkurrentë Atilla Kardesh, i akuzuar për dhunë fizike dhe psikike ndaj ish-bashkëshortes.
Vendimi për rastin e “Big Brother VIP Kosova” e bëri të ditur, juristja e së drejtës së medias, Flutura Kusari.
Klan Kosova është gjobitur pasi promovoi dhunë psikologjike ndaj një viktime të dhunës, lejoi gjuhë denigruese dhe lejoi përdorim të fjalorit vulgar pankodim për t’i mbrojtur fëmijët.
Kusari njoftoi se “Ky është një vendim historik i KPM-së, bazuar në tetë ankesa, që tregon se në Kosovë nuk kalon promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive”.
Postimi i plotë:
E fituam rastin kundër Big Brother dhe Klan Kosova!
30,000 euro gjobë për Klan Kosova që përmes Big Brother promovoi dhunë psikologjike ndaj një viktime të dhunës, lejoi gjuhë denigruese dhe lejoi përdorim të fjalorit vulgar pankodim për t’i mbrojtur fëmijët.
Ky është një vendim historik i KPM-së, bazuar në tetë ankesa, që tregon se në Kosovë nuk kalon promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive.
Big Brother tani ka marrë epitetin e emisionit që promovon dhunën ndaj grave. A do të ndryshoj qasjen Klan Kosova apo do të vazhdoj avazin e njëjtë?
Bravo KPM! Ky është një hap i madh për shoqërinë tonë!
Modeli i Shqipërisë për rritje të shikueshmërisë përmes dhunës nuk kalon në Kosovë. Pikë.
Vendimi do të publikohet në të ardhmen dhe nëse kam kohë e analizoj detajisht.
Ju falenderoj për vëmendje.
P.S për të interesuarit rreth bazës ligjore, KPM ka përdorë pikërisht nenin 3.1 të Kodit të Etikës në të cilën e kam bazu ankesën dhe poashtu edhe nenin 4 dhe 5 të Kodit.
Arrestohen tre persona për dhunën ndaj një 14-vjeçari
Ministria e Punëve të Brendshme (MPB) ka ngritur kallëzim penal ndaj tre personave nga Shkupi, të dyshuar për veprën penale
QMK: Deri në orën 18:00 janë regjistruar gjashtë
Deri në orën 18:00, në territorin e vendit janë regjistruar gjashtë zjarre në sipërfaqe të hapura. Sipas Qendrës për Menaxhim
Armata e Maqedonisë, prezantohen pajisjet e siguruara përmes
Në kazermën Ilinden sot u prezantuan pajisjet e siguruara në kuadër të bashkëpunimit me Bashkimit Evropian përmes Fondi Evropian të
