Nata e rekordeve për Luka Donçiç dhe Stefon Kerrin
Slloveni Luka Donçiç dhe amerikani Stefon Kerri kanë thyer rekorde individuale në mbrëmjen e fundit në NBA. Milluoki mposhti Los Anxheles Lejkers me 126:106 me gjithë paraqitjen e shkëlqyer të Luka Donçiçit, i cili shënoi 45 pikë.
Slloveni shtoi në atë paraqitje 11 kërcime dhe në pjesën e parë kishte shënuar tashmë 29 pikë. 45 pikët e tij ishin numri më i madh i pikëve që nga bashkimi me Lejkersin, por edhe kjo nuk ishte e mjaftueshme për ekipin e Los Anxheles.
Ostin Rivs shtoi 28 pikë për Lejkers, të cilët humbën ndeshjen e tretë radhazi. LeBron Xhejms humbi ndeshjen e dytë radhazi, për shkak të një tendosjeje në ijë të majtë.
Bruk Lopez i Milluokit shënoi 23 pikë, ndërsa Damian Lillard dhe Kevin Porter Jr. shtuar 22 secili.
Në të njëjtën kohë, Kerri u bë lojtari i parë në historinë e NBA-së me 4.000 trepikëshe në karrierë në një ndeshje në të cilën Golden Stej Uarriors mposhtën Sakramento Kings me rezultat 130:104 dhe arritën fitoren e gjashtë radhazi. Kerri shënoi 11 pikë, duke arritur rekordin në çerekun e tretë.
“The Uarriors” u kryesuan nga Drajmond Grin me 23 pikë, ndërsa Markus DeRozan shënoi po aq pikë për Kings.
