Selena Gomez thotë se përballet me komente negative për peshën e saj: Nuk jam modele dhe nuk do të jem kurrë
Selena Gomez pranoi gjatë një paraqitje të fundit në podcast “On Purpose with Jay Shetty” se ndihet keq kur njerëzit komentojnë peshën e saj.
Ajo ka treguar se përballet me shumë kritika lidhur me pamjen.
“Përpiqem të mos i shikoj komentet në internet, por shpesh nuk e mbaj dot veten dhe shikoj se çfarë thonë ata. Askujt nuk i intereson se si duken meshkujt. Sigurisht që pesha ime është një faktor i madh. Të gjithë kanë diçka për të thënë. Nuk do të thoja që më trishton sepse nuk jam viktimë, por mendoj se më hidhëron pak dhe ndihem fajtore që e them”, tha ajo.
Këngëtarja ka deklaruar më parë se medikamentet që merr për sëmundjen e saj kronike autoimune, lupusin, mund të çojnë në probleme me peshën.
“Më mirë të jem e shëndetshme dhe të kujdesem për veten. Medikamentet e mia janë të rëndësishme dhe besoj se më ndihmojnë. Unë nuk jam modele dhe nuk do të jem kurrë. Lexoj komentet dhe kryesisht përpiqem t’i shpërfill të gjitha”, tha Gomez.
Ajo ka vite që merret me gjykime të shumta për pamjen e saj dhe në shumë intervista ka theksuar se komente të tilla mund të jenë të dëmshme dhe ka theksuar rëndësinë e shëndetit mendor dhe imazhit pozitiv të trupit.
VLEN: Piskamat e BDI-së për Autostradën Shkup-Bllacë kanë
VLEN tha se reagimet e opozitës në lidhje me autostradën Shkup-Bllacë, janë vetëm për arsyet që projekti “nuk kalon aty
Parashikimi i motit
Moti sot në Maqedoninë e Veriut do të jetë me vranësira dhe diell. Pasdite pritet të ketë reshje lokale të
Kryeziu: Zgjedhjet prodhojnë mandate, jo domosdoshmërisht zgjidhje
Ismet Kryeziu nga KDI, ka shkruar në lidhje me tri palë zgjedhjet e fundit që ka thënë se kanë dëshmuar
