Kasami: Autostrada Tetovë–Gostivar, kthesë historike për rajonin e Pollogut

Kryetari i Tetovës, Bilall Kasami, ka deklaruar sot se nisja e ndërtimit të Autostradës Tetovë–Gostivar shënon një kthesë historike për të gjithë rajonin e Pollogut. Me hedhjen e gurthemelit të kësaj rruge, që është pjesë e Korridorit 8 dhe e gjatë 18 kilometra, Kasami thekson se nuk bëhet fjalë thjesht për një projekt infrastrukture, por për një investim strategjik që kap vlerën e 90 milionë eurove.

Sipas tij, autostrada do të përmirësojë ndjeshëm lidhshmërinë rajonale, do të rrisë sigurinë dhe shpejtësinë e udhëtimit dhe do të nxisë zhvillimin ekonomik për qytetarët dhe bizneset lokale.

“Është një hak i vonuar për shqiptarët e Pollogut, të cilët për vite me radhë udhëtonin mes gropave dhe premtimeve boshe. Tani nuk ka më llafe, ka punë!”, theksoi Kasami.