Një dhuratë e veçantë për ambasadorin shqiptar në Haraçinë – Premton përkrahje për Shkëndijën në balotazh
Ambasadori i Republikës së Shqipërisë, Denion Meidani, ka pranuar sot një dhuratë simbolike nga Kryetari i Komunës së Haraçinës, Ridvan Ibraimi, gjatë një vizite miqësore që u zhvillua në ambientet e komunës.
Gjatë takimit, që u zhvillua në një atmosferë të ngrohtë dhe bashkëpunuese, Ibraimi i dorëzoi ambasadorit një dhuratë që përfaqëson respektin dhe lidhjet e forta ndërmjet komunës dhe përfaqësuesve diplomatikë të Shqipërisë.
Nga ana tjetër, ambasadori Meidani shprehu mirënjohjen për mikpritjen dhe për nderin e bërë, duke theksuar rëndësinë e bashkëpunimit ndërkufitar dhe mbështetjes për komunitetet shqiptare në rajon.
Në fund të vizitës, ambasadori dha një premtim të veçantë për sportdashësit: “Më 25 maj do të jem në stadium, për të përkrahur Shkëndijën në ndeshjen e balotazhit. Do të bëhem tifo me zemër,” deklaroi Meidani, duke ngjallur entuziazëm në radhët e tifozëve të ekipit nga Haraçina./ ZYRTARE.net
