Luis Enrique godet João Pedron pas finales së Kupës së Botës për Klube, shpërthen përleshja mes PSG dhe Chelsea. Video
Një incident i paprecedentë ndodhi pas finales së Kupës së Botës për Klube mes PSG dhe Chelsea, të zhvilluar në stadiumin MetLife, ku trajneri i skuadrës franceze, Luis Enrique, goditi në fytyrë sulmuesin brazilian të Chelseat, João Pedro, duke shkaktuar një përleshje masive mes dy ekipeve.
Pas humbjes 3-0 të PSG-së ndaj Chelsea-t, João Pedro u përfshi në një debat verbal me portierin e parisienëve, Gianluigi Donnarumma. Sipas dëshmitarëve, situata dukej se ishte nën kontroll deri në momentin kur Luis Enrique ndërhyri me agresivitet, duke e goditur brazilianin dhe rrëzuar atë përtokë.
Ngjarja shkaktoi reagim të menjëhershëm nga të dy ekipet, ku lojtarët dhe anëtarët e stafit teknik u përfshinë në një përleshje të hapur në fushë. Përplasja zgjati disa minuta, përpara se tensionet të neutralizoheshin nga ndërhyrja e zyrtarëve dhe rojeve të sigurisë.
Pavarësisht incidentit, lojtarët e Chelseat vijuan të festonin triumfin e tyre në fushë, duke ngritur trofeun përballë tifozëve të shumtë në stadium.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
