Zhelina me 26 projekte të reja zhvillimore/ Sejdiu: Investime në të gjitha fushat

Kryetari i Komunës së Zhelinës, Blerim Sejdiu, ka njoftuar për nënshkrimin e 26 projekteve të reja në bashkëpunim me Qeverinë e RMV-së.

Projektet përfshijnë asfaltimin e rrugëve në disa fshatra (Trebosh, Llërcë, Dëbërcë, Zhelinë, Merovë, Pallaticë, Leshnicë e Poshtme etj.), rikonstruimin e shkollave në Grupçin e Dëbërcë, ndërtimin e një çerdheje në Zhelinë, investime në sport dhe kulturë, si dhe projekte për ujësjellësin, kanalizimin dhe përmirësimin e cilësisë së ajrit.

“Për herë të parë kaq shumë projekte zhvillimore për komunën tonë. Po ndërtojmë një Zhelinë më të zhvilluar dhe më të denjë për të gjithë qytetarët,” u shpreh kryetari Sejdiu.